Hver verður Suðurlandsmeistari 2022?
Suðurlandsmótið í skák verður haldið laugardaginn 26. nóvember næstkomandi kl. 12 í Hvolsskóla Hvolsvelli.
Tefldar verða 7 umferðir 10+5 (10 mínútur og 5 sek aukatími á hvern leik).
Fyrir fyrsta sæti í mótinu eru 50.000 krónur og gjafabréf í gistingu fyrir tvo með morgunverði á Hótel Selfoss.
30.000 krónur fyrir annað sætið.
20.000 fyrir þriðja sætið og gjafabréf frá GK Bakarí.
Verðlaunafé verður skipt ef fleiri en einn lenda í hverju sæti miðað við fjölda vinninga.
Umspil verður um fyrsta sæti ef fleiri en einn enda jafnir í lok móts.
Mótið er skipulagt í samstarfi við Skákfélagið Dímon.
Mótstjóri er Erlingur Atli Pálmason og skákdómari er Róbert Lagerman.
Öllum er velkomið að taka þátt en aðeins þátttakendur með lögheimili á Suðurlandi geta verið krýndir Suðurlandsmeistari.
Þátttökufjald er 2.500 krónur en frítt fyrir titilhafa og yngri en 18 ára.
Forskráning er hjá mótstjóra, Erlingi Atla hydreigon535@gmail.com
Ingibjörg Jónasdóttir ekkja Hennings Frederiksen og synir þeirra, Jónas og Vilhelm, gáfu Suðurlandsriddarann til minningar um Henning og skákmenn Stokkseyringa í 70 ár..
Fyrir hönd stjórnar SSON
Ari Björn Össurarson
